Անձնական հիգիենայի պահպանումը մեծ նշանակություն ունի ազատությունից զրկված անձանց, այդ թվում՝ կանանց ֆիզիկական և հոգեկան առողջության և բարեկեցության համար:
Եվրոպական բանտային կանոնների 19.4-րդ կանոնի համաձայն՝ պետք է համարժեք հնարավորություններ ստեղծել, որպեսզի ազատությունից զրկված յուրաքանչյուր անձ կարողանա կլիմային համապատասխան ջերմաստիճանի պայմաններում ցնցուղ ընդունել կամ լողանալ, ընդ որում՝ հնարավորության դեպքում ամեն օր, սակայն շաբաթն առնվազն երկու անգամ։ Նշված կանոնների 19.7-րդ կանոնով էլ ամրագրվում է, որ հատուկ պայմաններ պետք է ապահովվեն կանանց սանիտարական կարիքների համար։
ՀՀ կառավարության 2006 թվականի օգոստոսի 3-ի №1543-Ն որոշման հավելվածի 36-րդ կետի համաձայն՝ յուրաքանչյուր կալանավորված անձ կամ դատապարտյալ լոգանք կամ ցնցուղ պետք է ընդունի կլիմային համապատասխան ջերմաստիճանի պայմաններում` առնվազն յուրաքանչյուր շաբաթը մեկ անգամ, իսկ հնարավորության դեպքում` ավելի հաճախակի, եթե դա անհրաժեշտ է ընդհանուր հիգիենայի պահպանման համար:
Ավելին …
2018 թվականին դիտորդների կողմից ՀՀ ԱՆ քրեակատարողական հիմնարկներ իրականացված այցերի ընթացքում վեր հանված խնդիրները սահմանված կարգով ներկայացվել են ՀՀ արդարադատության նախարարություն: 2018 թվականին Խմբի կողմից նախարարություն է ուղարկվել ընդհանուր 35 ընթացիկ և 5 հրատապ գրություն:
Ներկայացված գրություններով բարձրացված խնդիրները վերաբերել են տարբեր ոլորտների՝ ներառյալ բուժսպասարկում, ՔԿՀ-ների պահման պայմաններ, դիտորդների աշխատանքի խոչընդոտումներ, խոցելի խմբերի նկատմամբ դրսևորվող խտրական վերաբերմունք և այլն: Գրությունների գերակշիռ մասը վերաբերել են ազատազրկված անձանց առողջական խնդիրներին և անազատության մեջ տրամադրվող բուժսպասարկման որակին ու հասանելիությանը: Հատկանշական է, որ ներկայացված գրություններով բարձրացված խնդիրների մեծ մասը կապված են եղել «Նուբարաշեն», «Արմավիր» և «Դատապարտյալների հիվանդանոց» ՔԿՀ-ների հետ:
Ավելին …
2018 թվականի նոյեմբերի 1-ին ՀՀ Ազգային ժողովի կողմից ընդունվել է «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքը:
ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խումբը 2019 թվականի մայիսի 8-ին դիմել է ՀՀ արդարադատության նախարարությանը՝ խնդրելով տեղեկատվություն տրամադրել այն մասին, թե համաներմամբ պատժի հետագա կրումից քանի անձ է ազատվել, և նրացից քանիսն է ազատ արձակվելուց հետո կրկին հանցագործություն կատարել:
Ավելին …
Դեռևս 2017 թ. օգոստոսի 24-ին ՀՀ արդարադատության նախարարության կողմից մշակվել և իրավական ակտերի նախագծերի հրապարակման միասնական կայքում հանրային քննարկման է դրվել «Հայաստանի Հանրապետության քրեակատարողական համակարգում իրավիճակի բարելավման նպատակով 2018-2038 թվականների ռազմավարությունը և դրա իրականացման 2018-2038 թվականների միջոցառումների ծրագիրը հաստատելու մասին» ՀՀ կառավարության որոշման նախագիծը (այսուհետ՝ Նախագիծ), որի հիմնական նպատակն է՝ Հայաստանի Հանրապետության քրեակատարողական համակարգում իրավիճակի բարելավման, ինչպես նաև ոլորտի շարունակական զարգացման համար կոնկրետ միջոցառումների իրականացումը:
Նախագծով սահմանված միջոցառումների իրականացմանն ուղղված գործողությունների հիմնական բովանդակային մասը պարունակում է միջազգային փորձի ուսումնասիրության և վերլուծության հիման վրա քրեակատարողական հիմնարկներում առկա խնդիրների հնարավոր լուծումներ։
Ավելին …
Արդարադատության նախարարի տեղակալ Տիգրան Խաչիկյանը 2019թ. մայիսի 13-ին ընդունել է քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի անդամներին:
Տիգրան Խաչիկյանը, ողջունելով Խմբի անդամներին, վերահաստատել է Նախարարության՝ նախկինում ձևավորված արդյունավետ համագործակցության շարունակականությունն ապահովելու և խորացնելու պատրաստակամությունը:
Հանդիպման ընթացքում անդրադարձ է կատարվել այնպիսի հարցերի, ինչպիսիք են՝ քրեակատարողական հիմնարկների վարչակազմերի գործողությունների և անգործության դատական բողոքարկման օրենսդրական մեխանիզմների ներդրումը, որակյալ բուժծառայության մատուցումը, ինչպես նաև քրեական միջավայրի ստեղծման քրեականացմանն առնչվող օրենսդրական նախագիծն ու մի շարք այլ հարցեր:
Ավելին …
