2018 թվականի սեպտեմբերի 3-ին տեղի է ունեցել ՀՀ ԱՆ քրեակատարողական հիմնարկներում և մարմիներում հասարակական վերահսկողություն իրականացնող հասարակական դիտորդների խմբի հերթական նիստը:
Նիստի օրակարգը հագեցած էր:
Նիստի ընթացքում դիտորդները հստակեցրել են 2018 թվականի պլանային այցերի կազմակերպման ժամանակացույցը և մշտադիտարկման ենթակա ոլորտները:
Ինչպես նաև քննարկել են Խմբի անդամների այցլությունների ինտենսիվության բարձրացման հարցը:
ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմի անդամները ՀՀ ԱՆ «Նուբարաշեն» ՔԿՀ այցելության ժամանակ հանդիպել են կալանավորած անձ Ա.Հ.-ին:
Վերջինս Խմբի անդամներին հայտնել է, որ գտնվում է հացադուլի և ջրադուլի մեջ: Պատճառն այն է, որ ունի բազմաթիվ հիվանդություններ, և գտնվել է հիմնարկի բուժմասում, սակայն առանց հետազոտելու և առողջանալու իրեն դուրս են գրել բուժմասից:
Բուժմասից դուրս գրվելուց հետո, երկու անգամ շտապ օգնություն են հրավիրել: Շտապ օգնության բժիշկը հայտարարել է, որ Ա.Հ.-ն ամբուլատոր բուժման կարիք ունի: Բացի այդ, Ա.Հ.-ն տառապում է Հեպատիտ C հիվանդությամբ, սակայն «Նուբարաշեն» ՔԿՀ-ում այդ ուղղությամբ որևէ բուժում չի ստացել:
ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների Խումբը իր գործունեության ընթացքում մշտապես ուշադրության կենտրոնում է պահել կալանավորված անձանց և դատապարտյալների միջև առկա հիերարխիկ հարաբերությունների խնդիրները, որոնց դեմ քրեակատարողական հիմնարկների վարչակազմերը որևէ կերպ չեն պայքարել, նույնիսկ որոշ դեպքերում թողտվությամբ նպաստել են հիերարխիկ հարաբերությունների լայն տարածմանը:
Քրեակատարողական հիմնարկներում առկա ոչ կանոնադրական, քրեական ենթամշակույթի և չգրված օրենքներով հարաբերությունները ոչ միայն ազդում են ազատազրկվածների ընդհանուր բարոյահոգեբանական վիճակի վրա, այլ նաև լուրջ խոչընդոտներ են ստեղծում վատ վերաբերմունքի, խոշտանգումների և կոռուպցիոն հանցագործությունների բացահայտման համար: Ամփոփելով ՀՀ ԱՆ քրեակատարողական հիմնարկներում և մարմիններում իրականացված մշտադիտարկման արդյունքները՝ Խումբն արձանագրել է, որ, ի թիվս այլ խնդիրների, շարունակում է օրակարգային մնալ նաև հետխորհրդային տարիներին ձևավորված քրեական ենթամշակույթի գոյությունը:
Ելնելով վերագրյալից՝ Խումբը 2018 թվականի հունիսի 20-ին դիմել է ՀՀ արդարադատության նախարար Արտակ Զեյնալյանին՝ առաջարկներ ներկայացնելով քրեակատարողական հիմնարկներում առկա ոչ կանոնադրական, քրեական ենթամշակույթի լուծման ուղղությամբ:
ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի ներկայացուցիչները 2018թ. օգոստոսի 29-ին հանդիպել են ՀՀ արդարադատության նախարար Արտակ Զեյնալյանի հետ:
Հանդիպմանը մասնակցել են Խմբի նախագահ Հասմիկ Հարությունյանը, Խմբի դիտորդներ Հայկ Թադևոսյանը, Ռոբերտ Ռևազյանը, Արա Ղարագյոզյանը, Նարե Հովհաննիսյանը, Ռուբեն Սարգսյանը, Զառա Հովհաննիսյանը, արդարադատության նախարարի տեղակալ Սուրեն Քրմոյանը, ՀՀ ԱՆ քերակատարողական ծառայության պետ Արտյոմ Մխոյանը, ինչպես նաև Նախարարության այլ ներկայացուցիչներ:
ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական Դիտորդների խմբի անդամները ՀՀ ԱՆ «Նուբարաշեն» ՔԿՀ այցելության ժամանակ հանդիպել են կալանավորած անձ Տ․Ե․-ին։ Վերջինս «Նուբարաշեն» ՔԿՀ է տեղափոխվել 2018-ի հուլիսի 26-ին:
Դիտորդները այցի ընթացքում պարզել են, որ կալանավոր Տ.Ե.-ն պահվել է տարբեր խցերում: Ավելին, վերջինիս մոտ արձանագրվել է անկայուն վարքագիծ, առաջին հայացքից նկատվել է հոգեկան անհավասարակշիռ վիճակ: Ցանկացած խուց, որտեղ տեղավորում են Տ.Ե․-ին, խցում գտնվող մնացած ազատազրկված անձինք դուրս են գալիս այդ խցից, քանի որ կոնֆլիկտներ է առաջացնում, որևէ մեկը չի ցանկանում առնչություն ունենալ իր հետ:
Վարդանանց փակուղի 8, 112 սենյակ
Երևան, Հայաստանի Հանրապետություն
Հեռ․ + (37498) 606 393
Էլ. հասցե: prisonarmenia@gmail.com
