ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խումբը, հիմք ընդունելով կալանավորված անձ Է․Մ-ի հարազատների ահազանգն այն մասին, որ «Վանաձոր» ՔԿՀ-ում վերջինս ոստիկանների կողմից ենթարկվել է խոշտանգումների, սակայն ստացված մարմնական վնասվածքների վերաբերյալ համապատասխան արձանագրության ձևաթուղթ չի կազմվել, դեպքի ուսումնասիրության արդյունքում եկել էր այն ենթադրության, որ «Քրեակատարողական բժշկության կենտրոն» ՊՈԱԿ-ի (այսուհետ՝ ՊՈԱԿ) բժիշկները դեռևս լավ չեն յուրացրել 21․04․2021 թ․ Թիվ 163-Լ հրամանով հաստատված Թիվ 2 հավելվածով սահմանված «Խոշտանգման կամ վատ վերաբերմունքի այլ ձևերի հետ կապված բժշկական զննության արձանագրությունը կազմելու» ուղեցույցի դրույթները։ Ուստի 2021 թ․ հուլիսի 2-ի թիվ 21-30 գրությամբ դիմել էր Արդարադատության նախարարությանը՝ առաջարկելով ՊՈԱԿ-ի բժիշկների համար կազմակերպել ուսուցում՝ Ուղեցույցի լիարժեք կիրարկման նպատակով։
Նորություններ
ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խումբը, հաշվի առնելով ստացված ահազանգերն այն մասին, որ գործնականում ուղղիչ հիմնարկի տեսակը փոխելու գործընթացն ընթանում է մի շարք խոչընդոտներով, հանդես է եկել որոշ առաջարկներով։ Ի դեպ գործընթացը սկսելու համար հաշվի է առնվում որոշակի ժամկետով կամ ցմահ ազատազրկման դատապարտված անձի դրսևորած վարքագիծը, մեկուսացվածության աստիճանի նպատակահարմարությունը և ՀՀ քրեակատարողական օրենսգրքի 68-րդ հոդվածի պահանջները։
Այսպես, լինում են դեպքեր, երբ գործընթացը տևում է շատ երկար՝ նույնիսկ 6-7 ամիս, չկան հարցը լուծելու համար ՀՀ արդարադատության նախարարի 14.03.2012 թ. N 34-Ն հրամանով հաստատված ՀՀ ԱՆ քրեակատարողական ծառայության կենտրոնական մարմնում գործող տեղաբաշխման հանձնաժողովի գործունեության կարգով (այսուհետ՝ ԿԱՐԳ) սահմանված հստակ ժամկետներ, այսինքն՝ առկա է իրավական անորոշություն, ինչպես նաև ՀՀ քրեակատարողական օրենսգրքի 100-րդ հոդվածով նախատեսված տեղաբաշխման հանձնաժողովի (այսուհետ՝ Հանձնաժողով) նիստում հարցի քննարկումը, ԿԱՐԳԻ 9. 3-րդ կետով պայմանավորված, կարող է հետաձգվել ոչ ավել, քան մեկ անգամ՝ առավելագույնը 40 օրով (ըստ Դիտորդների խմբի դիտարկման՝ 40-օրյա այս ժամկետը չունի օբյեկտիվ պատճառաբանություն)։
2021 թ․ սեպտեմբերի 10-ին տեղի ունեցավ ՀՀ ԱՆ ՔԿՀ-ներում և մարմիններում հասարակական վերահսկողություն իրականացնող հասարակական դիտորդների խմբի (այսուհետ՝ Խումբ) հերթական նիստը` Խմբի անդամների և աշխատակազմի մասնակցությամբ։
Նիստի օրակարգը բավականին հագեցած էր։ Խմբի ընթացիկ գործունեությանը վերաբերող մի շարք հարցերին զուգահեռ դիտորդները քննարկեցին նաև հարցեր՝ կապված 2020 թվականի թիվ 126-Ն հրամանով հաստատված կարգով Խմբի կազմում փորձագետ ընդգրկելու, պլանային այցելությունների ինտենսիվության բարձրացման, ինչպես նաև Խմբի 2020 թ․ գործունեության ամենամյա հաշվետվության և այլնի հետ։
07․09․2021 թ․ Դիտորդների խմբի անդամները հանդիպեցին ԱՄՆ դեսպանատան աշխատակիցների հետ, որի շրջանակներում քննարկվեցին մի շարք հարցեր՝ կապված ՀՀ Ան քրեակատարողական հիմնարկներում և մարմիններում տիրող իրավիճակի, ազատազրկված անձանց մոտ առկա խնդիրների ու պահանջների, ինչպես նաև տարվա ընթացքում Դիտորդների խմբի անդամների ջանքերով գրանցած բարեփոխումների հետ։
Հանդիպման ընթացքում արծարծված խնդիրների շուրջ համապարփակ քննարկումը և ջերմ մթնոլորտը բարձր գնահատվեց մասնակիցների կողմից։
Վերջերս ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի (այսուհետ՝ Խումբ) անդամները պարզեցին, որ ՀՀ արդարադատության նախարարի 21․04․2021 թ․ Թիվ 163-Լ հրամանով հաստատված Թիվ 2 հավելվածով սահմանված ուղեցույցը թերի է կիրառվում։ Ըստ այդ ուղեցույցի 9-րդ կետի 2-րդ մասի՝ մարմնական վնասվածքների վերաբերյալ կազմվում է արձանագրություն, եթե բուժաշխատողը հայտնաբերում է (այդ թվում անցկացրած բժշկական զննության ընթացքում), որ բուժայցելուի մարմնական վնասվածքը կամ առողջական վիճակի վերաբերյալ գանգատը կարող է լինել խոշտանգման կամ վատ վերաբերմունքի այլ դրսևորման հետևանք։ Մինչդեռ «Վանաձոր» ՔԿՀ-ում գտնվող կալանավորված անձ --------------- --------ի մարմնական վնասվածքների վերաբերյալ համապատասխան արձանագրություն չի կազմվել։ Ի դեպ Դիտորդների խումբը վերջինիս այցելել էր հարազատների՝ ոստիկանների կողմից խոշտանգումների ենթարկելու վերաբերյալ ահազանգի հիման վրա։
Կոնտակտային տվյալներ
Վարդանանց փակուղի 8, 112 սենյակ
Երևան, Հայաստանի Հանրապետություն
Հեռ․ + (37498) 606 393
Էլ. հասցե: prisonarmenia@gmail.com