Lragir.am-ի հարցերին պատասխանել է ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդների խմբի նախագահ Հասմիկ Հարությունյանը
- Տիկին Հարությունյան, Դիտորդական խումբն այս օրերին ուսումնասիրում էր քրեակատարողական հիմնարկներում սեպտեմբերի 5-ին արձանագրված անհնազանդության դրսևորումների պատճառները: Պաշտոնապես հայտնի է, որ հարուցվել է քրեական գործ, բայց անհնազանդության ակցիայի պատճառների մասին պաշտոնական պարզաբանումները շատ քիչ են, չնայած հայտնի է, որ ընդզվումը կապված է քրեական ենթամշակույթը քրեականացնող օրենսդրության հետ: Ի՞նչ եք պարզել այս օրերին:
- Այո, անհնազանդությունը պայմանավորված է եղել վերջերս կատարված օրենսդրական փոփոխություննեի հետ: Մասնավորապես, քրեական ենթամշակույթի դեմ պայքարի համար համապատասխան փոփոխություններ եղան Քրեական օրենսգրքում: Դա առաջացրեց ընդվզում, ինչը մասամբ սպասելի էր, որովհետև երևույթի դեմ պայքարը տրամաբանորեն նաև ենթադրում էր դրա դեմ ըմբոստության որոշ դրսևորումներ: Ի՞նչ տեղի ունեցավ դրանից հետո: Բարեբախտաբար կարճ ժամանակահատվածում քրեակատարողական վարչության և նախարարության կողմից կատարվել են համապատասխան գործողություններ, կարողացել են նրանց հանգստացնել և պահել վերահսկողության տակ: Թե ինչպիսին կլինեն հետագա զարգացումները, չենք կարող կանխատեսել:
PARA TV-ին քրեական ենթամշակույթի դեմ պայքարի վերաբերյալ Դիտորդների խմբի դիրքորոշումներն է ներկայացրել խմբի նախագահ Հասմիկ Հարությունյանը:
«Նախագիծը մի քայլ առաջ է, սակայն եթե պայքարը համալիր բնույթ չկրի, միայն օրենսդրական մակարդակում փոփոխությունները արդյունք չեն տա»։
2019 թվականի սեպտեմբերի 10-ին «Մեդիա կենտրոնում» տեղի է ունեցել «Ինքնասպանության դեպքերը ՔԿՀ-ներում և բանակում․ պատճառներ» թեմայով քննարկում։
Եվրոպական միության և Բաց հասարակության հիմնադրամներ-Հայաստանի կողմից ֆինանսավորվող «Հանրային հայացք՝ փակ աշխարհին. մարդու իրավունքների իրավիճակը Հայաստանի փակ հաստատություններում» ծրագրի շրջանակներում Հանրային լրագրության ակումբը Հետաքննող լրագրողներ ՀԿ-ի հետ համատեղ սեպտեմբերի 10-ին Գյումրիում կազմակերպել էր հանրային քննարկում՝ «Մահացության դեպքերը քրեակատարողական հիմնարկներում» թեմայով։