2019թ. հուլիսի 8-ին «Մեդիա կենտրոնում» տեղի է ունեցել «Մահվան դեպքեր բանտերում․ բուժսպասարկման հասանելիության խնդիրները ՔԿՀ-ներում» թեմայով քննարկում:
Քննարկման բանախոսներից էին նաև ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի նախագահ Հասմիկ Հարությունյանը և Դիտորդների խմբի անդամ Ռոբերտ Ռևազյանը:
Քննարկման տեսանյութը հասանելի է հետևյալ հղումով՝ «Մահվան դեպքեր բանտերում․ բուժսպասարկման հասանելիության խնդիրները ՔԿՀ-ներում»:
Քննարկմանը անդրադարձել է նաև մամուլը՝
Ավելին …
Ազատություն ռադիոկայան-ի «Օրենքի ուժով» հաղորդման շրջանակներում ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի անդամ Ռուբեն Սարգսյանը անդրադարձել է Դիտորդների խմբի գործունեության խոչընդոտներին, ինչպես նաև և ՀՀ կառավարության 825-Ն որոշման հետ կապված խնդիրներին:
Մանրամասները կարող եք դիտել հետևյալ հղումով՝ «Օրենքի ուժով»․ Մանվել Գրիգորյանին կալանքից ազատ չարձակեցին․ ինչո՞ւ»:
Օրերս արդարադատության նախարարությունը կառավարություն է ուղարկել «օրենքով գողերի» վերաբերյալ աղմկահարույց նախագիծը․ քրեական միջավայր ստեղծելը, քրեական միջավայրում ներգրավվելն ու ենթամշակույթին հարելը, ըստ այդմ, համարվում են քրեորեն պատժելի արարքներ։ Օրենքը տարբեր պատժամիջոցներ է սահմանում քրեական տարրերի համար՝ 6-ից մինչև 15 տարի ազատազրկում։
Օրինագիծն արդարադատության նախկին նախարար Արտակ Զեյնալյանի նախաձեռնությունն էր, և այն արդեն մեկ անգամ ուղարկվել է կառավարություն, որից հետո այն ուղարկվել է լրամշակման։ Ըստ նախագծի՝ քրեական ենթամշակույթը լուրջ մարտահրավեր է մեր հասարակության համար, քանի որ սպառնում է խաթարել, աղավաղել մեր հասարակության պատկերացումները և արժեքները։ Որքանո՞վ է այսօր Հայաստանի համար կենսական անհրաժեշտություն նման օրինագիծը «Առաջին լրատվական»-ի հարցին ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդների խմբի ղեկավար Հասմիկ Հարությունյանը պատասխանեց․
Ավելին …
ՔԿՀ-ում պատիժը կրող տրանսգենդեր անձի հետ սեռական հարաբերության արժեքը բանտերում տատանվում է 10 000- 30 000 դրամի սահմաններում։
Ըստ ՀՀ ԱՆ քրեակատարողական հիմնարկներում հասարակական վերահսկողություն իրականացնող հասարակական դիտորդների խմբի անդամ Նարե Հովհաննիսյանի՝ Հայաստանյան ՔՀԿ-ներում իրենց պատիժը կրող նույնասեռական և տրանսգենդեր անձինք կրկնակի խոցելի վիճակում են հայտնվում ազատազրկման վայրերում։
Այստեղ գերակայում է քրեական ենթամշակույթի չգրված օրենքները և նրանք հայտնվում են խցերում, որոնք նախատեսված են այս խմբի անձանց համար։ Գողական չգրված օրենքներից ելնելով՝ այլ դատապարտյալները չեն կարող նույն միջավայրը կիսել ԼԳԲՏ անձի հետ, նույն խուցը կիսել, միասին հաց ուտել, անգամ ձեռքով դիպչել։ Նրանք քրեական ենթամշակույթի կանոններով համարվում են ամենաստորին խումբը և սա նորմավորվում է գողական օրենքերով և քրեական ենթամշակույթի կանոններով։
Ավելին …
«Պայմանական վաղաժամկետ ազատման համար դիմելու Քրեակատարողական ծառայության կողմից մշակված, հետո Արդարադատության նախարարության վերամշակված, 14 կետից բաղկացած չափորոշիչների գնահատման համակարգը սույն թվականի հունիսի 4-ից փորձարկման փուլում է։
Չափորոշիչները կայանում են հետևյալում. դատապարտյալները հիմնականում բողոքում էին քրեակատարողական ծառայության կողմից տրված եզրակացություններից, ըստ որոնց՝ նրանց հիմնականում տրվում է բացասական բնութագիր և վերջիններս չէին կարողանում դիմել դատարան՝ պայմանական վաղաժամկետ ազատման համար։ Բողոքների հիման վրա Քրեակատարողական ծառայությունը մշակեց չափորոշիչներ՝ գնահատման համակարգով։
Խնդիրն այն է, որ վերոնշյալ համակարգով կազմվում է նույն տոկոսային հարաբերականությունը,ինչի արդյունքում՝ դատապարտյալները չեն կարող դիմել պայմանական վաղաժամկետի համար։
Ավելին …
