«Հանրային տեղեկատվություն և գիտելիքի կարիք» ՀԿ-ն հիմնադրվել և գրանցվել է 2007 թվականին Հայաստանում: Կազմակերպությունը հանրությանն ավելի հայտնի է իր անգլերեն հապավմամբ` որպես ՓԻՆՔ (PINK):
ՓԻՆՔ Արմենիայի տեսլականն է՝ ունենալ հասարակություն, որտեղ մարդու իրավունքները պաշտպանված են և յուրաքանչյուր ոք ընդունված է՝ անկախ սեռական կողմնորոշումից, գենդերային ինքնությունից և/կամ գենդերային արտահայտումից:
Կազմակերպության առաքելությունն է՝ ստեղծել ապահով միջավայր ԼԳԲՏ անձանց համար՝ խթանելով նրանց բարեկեցությունը և պաշտպանվածությունը կյանքի բոլոր ոլորտներում:
Կազմակերպությունը հիմնվում է բազմազանության, հավասարության և ապահովության արժեքների վրա։
«Հանրային տեղեկատվություն և գիտելիքի կարիք» ՀԿ-ն իր գործունեության շրջանակներում և իր առաքելությանն ու ռազմավարական ուղղություններին հասնելու նպատակով իրականացնում է հետևյալ գործունեությունը և իր շահառուներին տրամադրում է հետևյալ ծառայությունները.
-Դասընթացներ և սեմինարներ,
-Խորհրդատվություն /հոգեբանական, իրավաբանական, սոցիալական աշխատողի/,
-Սեռական ճանապարհով փոխանցվող վարակների կանխարգելում,
-Հանրային և սոցիալական միջոցառումներ,
-Կարողությունների զարգացում,
-Ջատագովություն (ադվոկացիա)։
Կազմակերպությունը յուրաքանչյուր տարի թողարկում է Հայաստանում ԼԳԲՏ մարդու իրավուքների իրավիճակի մասին զեկույց։
«Հանրային տեղեկատվություն և գիտելիքի կարիք» ՀԿ-ի պաշտոնական կայք՝ http://www.pinkarmenia.org/hy/